“Qarabağ dünən və bugün” mövzusunda ictimai müzakirələr Polşa Səfirliyində davam etdi. “Paşinyan hay - küy salmaqla Ermənistanın Azərbaycanqarşısındakı zəifliyini ört-basdır etməyə çalışır “Nümunəvi hərəkətə başqa don geyindirmək xəyanətkarlıqdan başqa bir şey deyil” Yevlaxda vətəndaşları narahat edən məsələlər yerindəcə həll olunur.
Yevlax şəhərində vətəndaşların növbəti səyyari qəbulu keçirildi. Şuranın yardımı ilə hazırlanan filmlərdən ibarət vahid elektron baza yaradılır Süpürkəçi 19 00 “Çingiz Mustafayev və Azərbaycanda müharibə jurnalistikası”
Bakıda ‘Life Long Learning’ formu keçiriləcək. Afaq Aslan toy qiymətini açıqladı: Yarım saatı 2000 manat... “Report”: Rusiya rublu ilin sonuna qədər 13-14% ucuzlaşa bilər - ANALİTİKA Səlim Müslümov Cenevrəni necə qurutdu...



» » Azərbaycanda qayda pozmayan sürücülərə mükafat verilməsi təklif edildi


Azərbaycanda qayda pozmayan sürücülərə mükafat verilməsi təklif edildi

21-09-2017, 12:00
Oxunma sayı: 205
Azərbaycanda qayda pozmayan sürücülərə mükafat verilməsi təklif edildi

Azərbaycanda hər ay 60 nəfər yol qəzalarında dünyasını dəyişir. Rəsmi statistikaya görə bu ilin 8 ayı ərzində Azərbaycanda baş vermiş yol qəzaları zamanı 471 nəfər ölüb, 1148 nəfər isə yaralanıb. Dünyanın müxtəlif ölkələrində bu cür insan itkilərinin qarşısını almaq üçün mütəmadi olaraq sosial layihələr həyata keçirilir.

Bu cür sosial layihələr Azərbaycanda da təşkil edilə bilər. Qayda pozan sürücülərin cəzalandırılmaları ilə yanaşı məsuliyyətli sürücülərin evlərinə ən azından Türkiyədə olduğu kimi “Təşəkkür məktubu” göndərilə bilər.

Türkiyədə həmçinin hər il və ya hər həftə nümunəvi sürücülər müxtəlif verilişlərə çağırılaraq və ya tədbirlərdə ictimaiyyət qarşısında Dövlət Yol Polisi əməkdaşları tərəfindən mükafatlandırılır.

Dubayda isə nümunəvi sürücülərə qızıldan hazırlanmış oyuncaq avtomobil hədiyyə olunur.

Nəqliyyat məsələləri üzrə ekspert Ərşad Hüseynov açıqlamasında qeyd etdi ki, Azərbaycanda nümunəvi sürücülərə bahalı mükafatlar verilməsə də ən azından onlara xüsusi formada təşəkkür edilməlidir.

“Bir neçə il bundan əvvəl bu barədə fikir irəli sürmüşdüm. Nümunəvi sürücülərin mükafatlandırılması, onlara diqqət göstərilməsi yol nəqliyyat hadisələrinin qarşısını almaqda böyük köməklik göstərəcək. Məsələn Türkiyədə son 10 ildə bu cür sosial layihələrin həyata keçirilməsi qəzaların xeyli aşağı düşməsinə səbəb olub. Nümunəvi sürücülərə yüksək məbləğdə mükafat verməyə də ehtiyac yoxdur. Misal üçün qiymətli əşya verilə və ya ictimaiyyət qarşısında hansısa formada ona xüsusi təşəkkür edilə bilər”, – deyə ekspert bildirdi.

Ə.Hüseynov qeyd etdi ki, DYP paytaxtda yol hərəkətinin təhlükəsizliyinin təmin edilməsi, yol-nəqliyyat hadisələrinin qarşısının alınması və ictimai qaydaların qorunması sahəsində belə sosial layihələrdən yararlana bilər: “Həmin sürücüləri tapmaq DYP üçün o qədər də çətin deyil. Çünki bütün məlumatlar onların əlində var”

Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev isə BAKU.WS-ə bildirdi ki, qaydaları pozmayan sürücülərin sağ qalması, cərimələnməməsi onlar üçün elə mükafatdır.

“Nümunəvi sürücünü müəyyən etmək də çətin məsələdir. Amma onu deyə bilərəm ki, sürücü qaydanı pozmayıbsa, deməli ən az 40 manat onun cibində qalır. Və ya qəza törətməyibsə, deməli sağ-salamatdır. Bu onlar üçün mükafatdır. Nümunəvi sürücünün mükafatlandırılması praktikamızda yoxdur”, – deyə Kamran Əliyev bildirdi. //Bizimyol
Sosial şəbəkələrdə paylaş: