“Qafqazda Aztəminatlı Məcburi Köçkünlərin və Yerli Əhalinin İqtisadi və Sosial İnkişafı” (EPIC) layihəsiçərçivəsində Mingəçevir Dövlət Universitetində “Ətraf Mühit”mövzusunda seminar həyata keçirilib. Yunanıstanda "Odlar Yurdu-Azərbaycan" foto sərgisi adlı tədbir keçirilib - FOTOLAR Bakı Türk dünyasının gələcəyini müəyyənləşdirən mərkəzə çevrilir Azərbaycanlı gənclər Murmanskda bir araya gəldi
Bərdə şəhərində “Əl – ələ daha güclü” (“Stronger hand by hand”) layihəsi başa çatıb. Təhsildə İnkişaf və İnnovasiyalar üzrə III Qrant müsabiqəsi”nin qalibi olmuş “Atamla birgə öyrənirəm” layihəsinin fəaliyyəti sona çatdı. “Bugün Azərbaycan müstəqillik qazandıqdan bəri ən gözəl dövrünü yaşayır.” –Məhsəti Hüseynova Kikboksçularımız dünya kikboksinq arenasında öz sözlərini deyirlər
Ucar rayonunun 80 illiyinə həsr olunmuş Veloyürüş keçirilib. “RƏNGLİ DÜNYA YARADAQ” layihəsinə start verildi “Gənc İstedadların Maariflənmələrinə və İnkişafına Dəstək” ictimai birliyi yeni layihəyə start verdi “Vikipediya”da Gəncə haqqında məqalələr zənginləşdirilir



» » Rusiya və İran hədəfdə


Rusiya və İran hədəfdə

19-12-2017, 18:54
Oxunma sayı: 253
 Rusiya və İran hədəfdə
Rusiya son illər Yaxın Şərq siyasətini gücləndirmə xəttini yürüdür.
Rusiya və Səudiyyə Ərəbistanının nüvə gücünün sülh üçün istifadəsi barədə saziş imzalanmasını şərh edən politoloq Tofiq Abbasov deyib. Politoloq Moskva ilə Ər-Riyad arasındakı nüvə danışıqlarının siyasi xarakter daşıdığını deyib:

“Rusiya belə bir müqaviləni daha əvvəl Misirlə imzalayıb. Misirin Səudiyyəyə nəzərən çox perspektivli olması və ilk baxışdan ümidverici planlar cızılması təsadüfi deyil. Səudiyyə öz göstəricilərinə görə, əlbəttə ki, Yaxın Şərqdə olan mühüm ölkələrdən sayılır, ancaq Rusiya ilə nüvə sahəsində əməkdaşlıq siyasi məqsədlidir. Səudiyyə bölgədə nüfuzunu daha da artırmağa çalışır. Bu ölkədə uran axtarışları ilə bağlı böyük tədqiqat işləri gedir, xarici şirkətlər Səudiyyəyə maraq göstərir. Ancaq Səudiyyənin əsl niyyəti ABŞ və İsrailin dəstəyi ilə nüvə silahına sahib olmaqdır. Rusiya nüvə dövləti kimi Yaxın Şərqdə atom silahının yayılmasında heç də maraqlı deyil. Ümumiyyətlə, nüvə-atom proqramı çərçivəsində hərbi komponentlərin yayılması qlobal təhlükəsizliyə ziddir. ABŞ, İsrail və digər bölgə dövlətləri İranla bağlı xüsusi proqramlar təsis ediblər. Hətta ABŞ bu yaxınlarda antiiran koalisiyasını yaradacağını bəyan edib. Əslində, bu, böyük bir təhlükədən və müharibədən xəbər verir”.

Politoloq belə bir vəziyyətdə Rusiyanın nüvə silahının əldə olunması istiqamətində Səudiyyəyə dəstək verəcəyini düşünmür:

“Bir tərəfdən Yaxın Şərq Rusiyanın sərhədlərinə yaxındır, digər tərəfdən isə təhlükəli hazırlıqların hansı fəlakətlərlə nəticələnə biləcəyi bəllidir. Bu baxımdan Rusiya və Çin ABŞ-ın cızdığı təhlükəli planlara qarşı çıxır. Rusiya Türkiyə və Misirdən sonra Səudiyyə ilə anlaşsa da, hələ ki durum çox kövrəkdir. Bölgədə risklərin sayı artarsa, Rusiya bu prosesdən boyun qaçıracaq və Ər-Riyada köməklik göstərməyəcək. Çünki Səudiyyə açıq-aşkar ABŞ və İsraillə müttəfiqlik münasibətlərinə girib. Əgər bu müttəfiqliyin taktiki hədəfi İrandırsa, strateji hədəfi Rusiyadır. Bu baxımdan hesab edirəm ki, Kreml vəziyyəti yaxından monitorinq edərək çox ehtiyatlı davranacaq”.

Qeyd edək ki, Səudiyyə Ərəbistanı ilə Rusiyanın “Rosatom” şirkəti arasında nüvə gücünün sülh üçün istifadəsi barədə saziş imzalanıb. Sazişə əsasən 2032-ci ilə qədər nüvə stansiyasından 17,6 geqavatt elektrik istehsal edilməsi planlaşdırılır.

Rəşid Ağayev
Sosial şəbəkələrdə paylaş: