Ucar Pambıq emalı zavodun da nələr baş verir? Arzu Rəhimovun bundan xəbəri varmı? - FOTO Yeni Azərbaycan Partiyası Yasamal Rayon Təşkilatının yaradılmasının 26 illiyi iə bağlı tədbir keçirilib. “Gənclər siyasəti haqqında” qanuna dəyişikliklər 2-ci oxunuşda qəbul edildi
Heç bir qüvvə Azərbaycan xalqının milli iradəsini sarsıda, bu iradənin ifadəçisi olan Lideri yolundan döndərə bilməz. Rafiq Hüseynovun yaşadığı evin qarşısında barelyefi hazırlandı İlham Əliyev Moskvadakı təxribatı nəzarətə götürdü Kadırovdan azərbaycanlı-çeçen insidenti ilə bağlı göstəriş
Səfir: Təxribat xarakterli bəyanatlara inanmamağı təkidlə xahiş edirik Çeçenistanın naziri Əli Həsənovun açıqlamasına cavab verdi Siyavuş Novruzovdan YAP-çı deputatlara ilginc xəbərdarlıq Qərbi Kaspi Universitetində tələbə mühiti



» » Ən yaşlı oyunçu Rusiyaya məğlubiyyətə görə Misir xalqından üzr istəyib


Ən yaşlı oyunçu Rusiyaya məğlubiyyətə görə Misir xalqından üzr istəyib

20-06-2018, 12:47
Oxunma sayı: 3592
Ən yaşlı oyunçu Rusiyaya məğlubiyyətə görə Misir xalqından üzr istəyib

Misir milli komandasının kapitanı Essam əl-Hadari futbol üzrə dünya çempionatında II turun açılış matçında Rusiyaya 1:3 hesablı məğlubiyyətlə əlaqədar üzr istəyib.

"Report"un məlumatına görə, 35 yaşlı qapıçı üzrxahlığını Misir xalqına çatdırıb. O bildirib ki, futbolda uğur həmişə öz tərəflərində olmur: "Rusiyaya məğlubiyyətə görə bütün misirlilərdən üzr istəyirəm. Nə oyunçu, nə də baş məşqçi uduzmaq istəyir. Növbəti mərhələ şanslarımızı qorumaq üçün qalib gəlmək niyyətində idik. Bundan ötrü bütün futbolçular əllərindən gələni etdilər. Amma bu, futboldur, hərdən uğur sənin tərəfində olmur".

45 yaşlı qolkiperin fikrincə, Misir yığması əvvəlki uğurlarını davam etdirməyə qadirdir və komandada kütləvi dəyişikliklər edilməməlidir: "Bu komanda çoxlu nailiyyətə imza atıb. Gələcəkdə də belə davam etməsi vacibdir".

Səudiyyə Ərəbistanının "Əl-Taavun" klubunda çıxış edən Əl-Hadari Misir yığmasının DÇ-2018-də keçirdiyi ilk 2 oyununda ehtiyatda qalıb. O, Səudiyyə Ərəbistanı ilə avqustun 25-də keçirəcəkləri son tur matçında meydana çıxsa, dünya çempionatları tarixində ən yaşlı oyunçu ünvanına yiyələnəcək. Hazırda bu rekord Kolumbiya yığmasının və Türkiyənin "Qalatasaray" klubunun keçmiş qapıçısı Fərid Mondraqona məxsusdur. Mondraqon 43 yaşında ikən - 2014-cü il dünya çempionatında meydana çıxıb.

Argentinalı baş məşqçi Ektor Kuperin rəhbərliyi altında Misir yığması 2017-ci il Afrika Millətlər Liqasında finala, həmçinin, 28 illik fasilədən sonra dünya çempionatına vəsiqə qazanıb.

Qeyd edək ki, ilk turda Uruqvaya 0:1 hesabı ilə uduzan Misir yığması hazırda xalsızdır və 1/8 finala vəsiqə şanslarını faktiki itirib. Bu gün Səudiyyə Ərəbistanı yığması Uruqvaya qalib gələ bilməsə, Ektor Kuperin baş məşqçi olduğu komandanın qrupda qalması rəsmiləşəcək.
Sosial şəbəkələrdə paylaş: