Azərbaycandan Trampa özəl hədiyyə Ağ Evə göndərildi - VİDEO Xərçənglə mübarizədə NÖVBƏTİ İNQİLAB Dinozavrlar qayıdır? Sərdarın model xanımının sirri açıldı
"Bozbaş"ın "ağsaqqal"ı evlənir Hansı qan qrupu XƏRÇƏNGƏ TUTULMUR? Rusiyanın energetika nazirindən neftin qiymətinə dair PROQNOZ Türkiyənin məşhur aparıcısı Azərbaycana köçür - FOTO
Azərbaycanlı milyarderin oğlu model sevgilisi ilə - FOTO Donald Trampdan etirazlara MÜNASİBƏT Müğənni oğlunun dayəsinə hər ay 15 min pul verəcək Milyarderə edam ediləcəyini bildirdilər



» » Neft Fondu: 2 milyard dollar qənaət proqnozlaşdırılır


Neft Fondu: 2 milyard dollar qənaət proqnozlaşdırılır

21-12-2015, 14:09
Oxunma sayı: 253
Neft Fondu: 2 milyard dollar qənaət proqnozlaşdırılır

1,55 AZN/USD məzənnəsi ilə.

21 dekabr tarixinə Azərbaycan Dövlət Neft Fondunun (SOFAZ) büdcəsində nəzərdə tutulan xərc maddələri, o cümlədən dövlət büdcəsinə transfertlə bağlı xərclər bütünlüklə icra edildiyindən, manatın ABŞ dolları və avroya qarşı devalvasiyasından hər hansı qənaətin yaranması proqnozlaşdırılmır.

Respublika.info xəbər verir ki, bunu “APA-Economics”in sorğusuna cavab olaraq SOFAZ-dan bildiriblər.

“Azərbaycan Dövlət Neft Fondunun 2015-ci ilin büdcəsinin icrası çərçivəsində cari ilin 9 ayında 5,65 milyard manat, oktyabrda 750 milyon manat, noyabrda 750 milyon manat, dekabrda isə 980 milyon manat dövlət büdcəsinə transfert edilmişdir.

Beləliklə, 2015-ci il üzrə dövlət büdcəsinə transfert 8 130 milyon manat təşkil etməklə, 2015-ci ildə bu xərc maddəsinin icrası başa çatıb”, - deyə açıqlamada qeyd edilib.

Bununla belə, SOFAZ dekabrın 21-də Azərbaycanda manatın ABŞ dolları və avro qarşısında 48%-lik devalvasiyası səbəbindən 2016-cı ildə xərc maddələri üzrə qənaətin olacağını proqnozlaşdırır:

“Fondun Müşahidə Şurasının qərarına əsasən təsdiq edilmək üçün Azərbaycan prezidentinə təqdim edilmiş fondun büdcə layihəsində 2016-cı il üçün fondun büdcə xərclərinin 8 milyard 261,4 milyon manat və yaxud təqdim edilmə tarixinə olan 1,05 məzənnəsi ilə 7 milyard 868 milyon ABŞ dolları təşkil edib.

2016-cı ildə Fondun büdcəsinin Cənub Qaz dəhlizi layihəsinin və Bakı-Tbilisi-Qars yeni dəmir yolunun maliyyələşdirilməsi ilə bağlı ümumilikdə 1 milyard 869,1 milyon ABŞ dolları məbləğində xərclərinin yalnız ABŞ dolları valyutası ilə icra edilməsi nəzərdə tutulub.

Bununla əlaqədar devalvasiya yalnız manat ilə icra ediləcək xərc maddələrinin, o cümlədən dövlət büdcəsinə transfertlə bağlı xərclərin icrası istiqamətində qənaətin yaranmasına səbəb ola bilər.

Belə ki, devalvasiyaya qədər manatla icra ediləcək xərclər 6 milyard 300,9 milyon manat və yaxud ABŞ dolları ekvivalenti ilə 6 milyard 9,3 milyon təşkil etdiyindən, devalvasiyadan sonra yeni məzənnə ilə bu xərclərin 4 milyard 65,1 milyon ABŞ dolları və fondun xərcləri üzrə 1 milyard 944,2 milyon ABŞ dolları məbləğində qənaətin təşkil etməsi proqnozlaşdırılır”.

Xatırladaq ki, bu ilin fevralında manatın devalvasiyası SOFAZ-a təxminən 3 mlrd. ABŞ dolları məbləğində vəsaitə qənaət etməyə imkan verib. Belə ki, fevral devalvasiyasından əvvəl əgər büdcəyə 10 mlrd. manat vəsait transfert etmək üçün konvertasiyaya təxminən 13 mlrd. dollar tələb olunurdusa, devalvasiyadan sonra sadəcə 10 mlrd. dollar yetərli olub.
Sosial şəbəkələrdə paylaş: