Şura haqqında böhtan yayan saytlar məhkəməyə veriləcək Ermənilər sosial şəbəkələrdə azərbaycanlı adı ilə təxribata başladılar - FOTO Prezidentin köməkçisi sosial, iqtisadi, humanitar və demokratiya sahəsində fəaliyyət göstərən QHT-lərlə görüşüb Prezidentin köməkçisi sosial, iqtisadi, humanitar və demokratiya sahəsində fəaliyyət göstərən QHT-lərlə görüşüb
Tezliklə “Sağlam Qida” Könüllülərinin Qarabağ və Gəncə Forumu keçiriləcək "İstedad Əngəl Tanımır" gənc puplisist Orxan Adıgözəllə onlayn görüş Prezidentin köməkçisi Hikmət Hacıyev QHT rəhbərləri ilə növəti görüşü keçirib. “SƏLİS Könüllüləri” İctimai Birliyinin təsis konfransı keçirildi
Gənc şair Ağarza Elçinoğlunun şeirlər kitabı nəşr olunub Daşqın Gülməmmədov: Ramiz Həsənov, Eldar Həsənov, Qüdsi Osmanov və bəziləri Rusiya casuslarıdır. “Gənclərə Qayğı” İctimai Birliyi aztəminatlı ailələrə ərzaq yardımı payladı “Gənclərin Töhfəsi” İctimai Birliyi aztəminatlı ailələrə ərzaq yardımı payladı



» » Məhsəti Hüseynova: "VƏTƏNƏ, MİLLƏTƏ FAYDALI OLMAQ ÜÇÜN MİLLƏT VƏKİLİ OLMASANIZ DA, OLAR!"


Məhsəti Hüseynova: "VƏTƏNƏ, MİLLƏTƏ FAYDALI OLMAQ ÜÇÜN MİLLƏT VƏKİLİ OLMASANIZ DA, OLAR!"

11-02-2020, 20:00
Oxunma sayı: 3480
Məhsəti Hüseynova: "VƏTƏNƏ, MİLLƏTƏ FAYDALI OLMAQ ÜÇÜN MİLLƏT VƏKİLİ OLMASANIZ DA, OLAR!"
Məhsəti Hüseynova öz facebook səhifəsində 9 fevral növbədənkənar Parlament seçkiləri və yeni islahatlar haqqında fikir bildirdi.

“VƏTƏNƏ, MİLLƏTƏ FAYDALI OLMAQ ÜÇÜN MİLLƏT VƏKİLİ OLMASANIZ DA, OLAR!”
Həqiqətən bu il keçirilən növbədənkənar Parlament seçkiləri yeni islahatların başlanması oldu.
Azərbaycanın müstəqillik qazandığından bu günə qədər ilk dəfə seçkilərdə belə bir canlanma müşahidə olundu. İlk dəfə bu qədər çox sayda Namizəd qeydiyyata alındı. İlk dəfə insanlar arasında belə fəal təşviqat-təbliğat prosesi aparıldı. Və bunu xalqın bütün təbəqələri açıq aydın şəkildə müşahidə edə bildi. Seçki prosesində baş verən bütün proseslər xalqın gözü önündə keçirildi.
Əziz gənc və ilk dəfə Namizəd olan şəxslər, hər biriniz bu şərəfli yolu keçməyə şans qazandınız. Bəziləriniz bu yolda heç əziyyət çəkməsəniz də, bəziləriniz isə həqiətən bu marafonu əziyyətli, zəhmətli şəkildə çox gözəl tamamladınız. Buna sevinmək lazımdır!!!
Seçkilər zamanı saxtakarlıqların baş verdiyi hadisələrdən paylaşılan videolara baxın, saxtakarların və Namizədlərin, müşahidəçilərin reaksiyalarına baxın! Sanki məhəllə dava-dalaşıdır! Siyasət emosiyalarla idarə olunacaq yer deyil! Nəzarətçi və müşahidəçilərin əksəriyyətinin orda niyə olması, kimi təmsil etməsi və ümumiyyətlə seçki məcəlləsindən anlayışı olamayan insanlardan ibarət idi. Hərtərəfli şəkildə bunun da şahidi olmağımıza şərait yarandı ki, bir daha ətraflı düşünək.
Elə namizədlər var idi ki, əgər onlara yer verilsəydi, inanın ki, o hadisələr bu gün Milli Məclisdə yaşanacaqdı. Ona görə qəbul olunan hər bir qərarın arxasında Azərbaycan və Azərbaycanın mənafeyi durur.
Bəyənmədiyiniz, təkrar seçilən, yaşlı Millət Vəkillərinin həyat yolu və fəaliyyətini öyrənmisinizmi? Sizin savadınız onun qədərdirmi? Və ya siz beynəlxalq arenada onun kimi ölkənizi təmsil edə biləcəksinizmi?
Və ya bu qədər insanın problemlərinin hamısını bir anda həll edə biləcək qanunları hazırlamaq asandırmı? Hər işin bir qaydası qanunu var. Bu yerdə bir Atalar sözünü xatırlatmaq istərdim: “Qıraqdan baxana dava asan gəlir.”
Ümid edirəm ki, tez bir zamanda olmasa da, zamanla biz də həsəd apardığımız inkişaf etmiş ölkələr kimi savada biliyə malik olub, onlar kimi düşünə bilərik. Yalnız o zaman inkişaf edə bilərik.
Elə sosial şəbəkələrdən söyüb batırmaqla deyil, bir özünüzə sual verin: “Siz bu millət üçün, siz bu xalq üçün, Siz bu Azərbaycan üçün nə etmisiniz?”
Ona görə ölçün, biçin, düşünün. Keçdiyiniz bu təcrübə yolunu yüksək qiymətləndirin. Bu dəfə olmadısa, gələn dəfə olsun! Yenə də olmadısa, faydalı ola biləcəyiniz işlərlə dövlətə, millətə, xalqa faydalı olmağa çalışın!
Nə qədər yeniliklərə səbəb olduğunuzu düşünün və özünüzü bunun üçün təbrik edin!
Bu günə qədər təbliğat prosesi zamanı küçə-küçə, qapı-qapı gəzən Namizədləri görmüşdünüzmü?
Problemlərinizi dinləyən, sizi evinizdə ziyarət edən Namizədləri görmüşdünüzmü?
Bunlar yenilik deyilmi?
Və hətta, əvvəlki Millət vəkilləri olan Namizədlərin əksəriyyəti də sizlərlə bərabər bunları etməyə çalışmadımı?
Bunun özü Azərbaycan üçün yenilik olmadımı?
Potensialı olan və olmayan o qədər vətəndaş Namizədlik üçün baş vurdu ki, hətta qeydiyyata çatdırmayanların “mütləq mən də növbəti dəfə Namizədliyimi irəli sürəcəm” fikirləri ilə sizlər də rastlaşmadınızmı?
Məgər bu azdı? Bunun özü yeni islahatdı. Hər bir Azərbaycanlı özü haqqında bir daha götür-qoy etməyə başladı, öz fəaliyyətini analiz etdi, özünü daha da inkişaf etdirmək haqqında düşündü.
Əminəm ki, bu il ilk dəfə Namizəd olanlar çox böyük təcrübə topladı. Onların bəziləri növbəti dəfə Parlamentdə olmağa layiqli savadlı gənclərdir. Cəmiyyət içində fəaliyyətləri ilə əlaqədar olaraq kifayət qədər tanınmadıqlarından, seçkilər Şəffaf keçirilsə də, onların yüksək səs toplama şansları belə olmaya bilərdi. Ən önəmlisi bu addımı atmaq onların özlərinə də böyük bir cəsarət oldu. Mən bu yolda şərəflə keçən hər kəsi uğurlu hesab edirəm. O saxtakarları gördüyüm üçün utansam da, amma o da xalqın bəzi satılmış təbəqəsinin iç üzüdür, və təəssüf ki onlar da bizdəndir!
10 milyonluq xalqın yalnız 125-i Millət Vəkili olur, bütün Namizədlər Millət Vəkili olacaq deyə bir qanun yoxdur.
Sözüm bəzilərinədir ki, əgər belə dava dalaşla, həyasızlıqla haqq ədaləti müdafiə edəcəksinizsə, elə sizin orda olmamağınız daha məqsədə uyğundur!
Vətənə, millətə faydalı olmaq üçün MİLLƏT Vəkili olmasanız da olar!
Sosial şəbəkələrdə paylaş: