Şura qrant müsabiqələrinin nəticələrini elan etdi Güney Azərbaycan Milli Azadlıq Cəbhəsi (GAMAC) Azərbaycan dövləti Və silahlı qüvvələrinə dəstək bəyanatı yayıb Azərbaycan və Türkiyə QHT-lərindən Ermənistana tələb “Məhdudiyyət istedad üçün əngəl deyil” adlı onlayn müzakirə təşkil edilib
Azay Quliyev 5 ölkənin ATƏT PA-dakı nümayəndə heyətinə məktub göndərib Siyəzən rayonunda abadlıq-quruculuq işləri davam edir-FOTO Vətəndaş Hərəkatı beynəlxalq konfransda erməni təcavüzünü və COVİD-19 pandemiyasını müzakirə etdi 846 QHT ötən gecə paytaxtdakı yürüşdə baş verənlərlə bağlı bəyanat yaydı
Politoloq Əli Quliyev: “Bu vətən uğrunda ölməyi də, öldürməyi də bacaran xalq heç vaxt yenilməz”. İctimai nəqliyyatda xidmət keyfiyyətinin ölçüləməsinə dair sorğu keçiriləcək “Pandemiyaya qarşı mübarizədə QHT və medianın intensiv əməkdaşlığı faydalı və zəruridir” – MÜSAHİBƏ! Şura “Pandemiya ilə mübarizədə Şuranın maliyyələşdirdiyi layihələrin rolu, ictimai qınaq və ictimai nəzarətin gücləndirilməsi” mövzusunda onlayn konfrans keçirib



» » Azərbaycan Vətəndaş Hərəkatının növbədənkənar parlament seçkiləri ilə bağlı BƏYANATI


Azərbaycan Vətəndaş Hərəkatının növbədənkənar parlament seçkiləri ilə bağlı BƏYANATI

3-02-2020, 11:30
Oxunma sayı: 3234
Azərbaycan Vətəndaş Hərəkatının növbədənkənar parlament seçkiləri ilə bağlı BƏYANATI
Azərbaycan xalqı növbəti bir seçim ərəfəsindədir. Azərbaycan Respublikasının Prezidenti cənab İlham Əliyevin Sərəncamı ilə 9 fevral 2020-ci il tarixdə Milli Məclisə növbədənkənar seçkilər keçiriləcək. Hazırda bu proses beynəlxalq və yerli müşahidəçilər tərəfindən ciddi şəkildə izlənilməkdədir. Hesab edirik ki, 9 fevral 2020-ci il tarixi ölkəmiz və xalqımız üçün demokratiya, azad və ədalətli seçkilər baxımından növbəti imtahan olacaq.

Müvafiq seçki komissiyalarının, deputatlığa namizədlərin, aparıcı siyasi partiyaların, ictimai təşkilatların, medianın, sosial şəbəkələrin, o cümlədən aktiv vətəndaşların fəaliyyəti nəticəsində seçki yarışı davam edir. Bir sıra dairələrdən narahatedici xəbərlər gəlsə də (rəqiblərin bir-birinə qarşı “qara piar” aparması, seçicilərin qadağan olunmuş üsullarla yönləndirilməsi, namizədlərə təzyiqlərin olması, inzibati qurumların seçki prosesinə yolverilməz müdaxiləsi və s.) hələlik prosesin əsasən demokratik prinsiplərə uyğun şəkildə getdiyini bəyan etmək olar. Bu əhəmiyyətli prosesə kölgə sala biləcək ən arzuolunmaz məsələ insanların seçkiyə marağının az olmasıdır. Problemin həlli isə aidiyyatı qurumların, deputatlığa namizədlərin fəallığından və qanunlara sadiqliyindən çox asılıdır.

Azərbaycan Vətəndaş Hərəkatı olaraq Milli Məclisə keçiriləcək növbədənkənar seçkilərin demokratik, azad, ədalətli olması, seçici fəallığı şəraitində keçməsi üçün dəstək verməyə, müvafiq qurumlarla, beynəlxalq və yerli təşkilatlarla, media ilə əməkdaşlıq etməyə hazırıq. Çünki bu ümummilli prosesdə baş verə biləcək hər hansı bir ciddi problem dövlətimizə çətin anlar yaşada, gələcək inkişafımızda maneələr yarada bilər. 9 fevral 2020-ci il tarixinə sayılı günlər qaldığı bir dönəmdə Hərəkat olaraq ümid edirik ki, seçkilər azad, ədalətli və şəffaf keçiriləcək, xalqımız demokratiya sınağından uğurla çıxacaq.

Bakı şəhəri, 3 fevral 2020-ci il

QEYD: Azərbaycan Vətəndaş Hərəkatının əsası bir neçə qeyri-hökumət təşkilatı və ziyalı tərəfindən qoyulub. 14 aprel 2019-cu ildə Hərəkatın Təşəbbüs Qrupu yaradılıb. 11 yanvar 2020-ci il tarixində Hərəkat təsis olunub və Məclisi, İdarə Heyəti üzvləri (Hacı Həsənov, Azər Həsənsoy, Mübariz Göyüşlü, Anar Turan, Vüsal Hətəmov, Aydın Allahverdiyev, Anar Nəsibov) seçilib. İdarə Heyətinin ilk iclasında İcraçı Direktor (Mübariz Göyüşlü) seçilib. Hərəkatın məqsədi Azərbaycan vətəndaşlarının ictimai tərəqqiyə, dövlətçiliyin möhkəmlənməsinə, qanunun aliliyinin təmin edilməsinə yönəlmiş fəallığını dəstəkləmək, onu daha da artırmaq, Azərbaycan dövlətinin siyasətini təbliğ etmək, milli-mənəvi və ümumbəşəri dəyərləri qorumaq, həmçinin vətəndaş cəmiyyətinin inkişafına nail olmaqdır.
Sosial şəbəkələrdə paylaş: