104 il yaşamış qəhrəman... Bu gün "24media.az" 1 yaşını qeyd edir Koronavirusda ikinci dalğa - Həkimlər əhaliyə xəbərdarlıq etdilər Siyəzəndə ehtiyacı olan ailələrə yardım edilir
RAİ Azərbaycan Prezidenti İlham Əliyevin çağırışına qoşuldu AZƏRBAYCAN DÖVLƏT HİMNİ, #EVDƏQAL "Türk Şurası çərçivəsində səhiyyə sahəsində əməkdaşlığı genişləndirmək çox vacibdir" FHN-in avtonəqliyyat vasitələri sahiblərinə müraciəti
Gələcək İntellektual İnkişafa Yardım İctimai Birliyi “Evdə qal, cəmiyyəti qoru” kampaniyasına qoşuldu Koronovirusla mübarizə məqsədilə Şura yanında İctimai Qərargah yaradıldı Karantin dövründə QHT-lər necə işləməlidir? - “Dövlət qurumları ilə əhali arasında vasitəçi olmalıyıq” - Mübariz Göyüşlü "Gənclərin Töhfəsi" İctimai Birliyi “Evdə qal, cəmiyyəti qoru” kampaniyasına qoşuldu



» » Tarix İnstitutunda dəyirmi masa: “Tariximizə sahib çıxaq”


Tarix İnstitutunda dəyirmi masa: “Tariximizə sahib çıxaq”

29-10-2019, 18:36
Oxunma sayı: 1992
Tarix İnstitutunda dəyirmi masa: “Tariximizə sahib çıxaq”
Azərbaycan Milli Elmlər Akademiyasının (AMEA) Tarix İnstitutunda “Tariximizə sahib çıxaq” mövzusunda dəyirmi masa keçirilib.

Dəyirmi masada dövlət və dövlətçiliyimizi müdafiə, tarixi şəxsiyyətlərimizin fəaliyyətinin saxtalaşdırılmasına qarşı mübarizə və digər məsələlər müzakirə olunub.

Görüş zamanı Tarix İnstitutunun direktoru, akademik Yaqub Mahmudov son illərdə dövlətimizin başçısının təşəbbüsü, çağırışları və tapşırıqları ilə elmi müəssisədə aparılan araşdırmalar barədə geniş danışıb.

Yaqub Mahmudov Tarix İnstitutunun beynəlxalq əlaqələri haqqında görüş iştirakçılarını məlumatlandırıb: “İnstitut Türkiyə, Rusiya, Çin, Bolqarıstan, Polşa, Misir və digər ölkələrin elmi qurumları ilə əməkdaşlıq edir”.

Erməni yalanlarına qarşı aparılan mübarizədən danışan akademik institutun hər zaman bu istiqamətdə effektiv çalışmalar ortaya qoyduğunu, bundan sonra da bu istiqaməti davam etdirəcəklərini vurğulayıb. O, bu işlərə ictimaiyyət tərəfindən dəstək verilməsini, təbliğat baxımından səyləri birləşdirməyi, Vikipediyada və sosial şəbəkələrdə tarixi mövzularda aktiv olmağı vacib sayıb.

İnstitutun direktoru deyib ki, Azərbaycanın 5 min illik dövlətçilik tarixi var: “Tariximizə sahib çıxmalıyıq. Tarixinə sahib çıxan xalq yenilməzdir. Tarixinə sahib çıxmayan xalq isə məhvə məhkumdur”.

Görüşdə iştirak edən tarixçi alim Hacı Həsənov, araşdırmaçı-jurnalist Anar Turan, Müasir İnkişaf Birliyinin sədri Mübariz Göyüşlü və başqaları bildiriblər ki, əsas məqsədləri Azərbaycan dövlətçiliyinə xidmət etməkdir. Araşdırmaçılar Tarix İnstitutu ilə koordinasiyalı fəaliyyətə ciddi ehtiyac duyulduğunu vurğulayıblar. Onlar gələcəkdə birgə tədbirlər, görüşlər və müzakirələr təşkil etməyi önəmli sayıblar.

Sonda görüş iştirakçıları gələcəkdə dövlətçiliyimizin müdafiəsi istiqamətində, Azərbaycan tarixinin təbliği yönümündə birgə işlər görməyi razılaşdırıblar. İştirakçılara Tarix İnstitutunun nəşrləri təqdim olunub.

Tarix İnstitutunda dəyirmi masa: “Tariximizə sahib çıxaq”Tarix İnstitutunda dəyirmi masa: “Tariximizə sahib çıxaq”
Sosial şəbəkələrdə paylaş: