Tovuzda gənc qızlara "İnsan alverinin qurbanı olmayaq"adlı maarifləndirici tədbir keçirilib Şəmkirdə “Regionlarda gənclər arasında könüllülüyün təşviqi"layihəsi çərçivəsində təlim keçirilib Layihə çərçivəsində Bərdə, Ağdam və Mingəçevirdə Beynəlxalq Qızlar Gününü qeyd edilib Azərbaycan Vətəndaş Hərəkatının üzvləri Dərbənd şəhərinə səfər ediblər.
"Regionlarda gənclər arasında könüllülüyün təşviqi" layihəsi çərçivəsində növbəti təlim keçirildi Qazaxda gənc qızlara "İnsan alverinin qurbanı olmayaq"adlı maarifləndirici tədbir keçirilib “Qarabağ Azərbaycandır!” beynəlxalq ictimai dəstək kampaniyası başladıldı Məkdəbdaxili idarəetməyə dəstək adlı layihənin icrası davam edir
Region qadınlarının bələdiyyə seçkilərində fəal iştirakının təmin edilməsi üçün seminarlar davam edir Regionlarda gənc qızların peşə-ixtisas seçiminə yönəldilməsinə dəstək göstəriləcək Qazaxda ”Regionlarda gənclər arasında könüllülüyün təşviqi” layihəsi çərçivəsində tədbir keçirilib Layihə icrasına başladı



» » Rusiyadakı fəlakət Yer üçün böyük təhlükədir - Ekoloq


Rusiyadakı fəlakət Yer üçün böyük təhlükədir - Ekoloq

2-08-2019, 07:55
Oxunma sayı: 215
Rusiyadakı fəlakət Yer üçün böyük təhlükədir - EkoloqRusiyada 3 milyon hektar meşə sahəsində davam edən yanğın Yer kürəsinin ekologiyasına çox ciddi zərbədir.

Bu sözləri Axar.az-a açıqlamasında Azərbaycan Dövlət Pedoqoji Universitetinin professoru Rauf Sultanov deyib. O, sözügedən yanğının yaratdığı əsas problemlərdən danışıb:

“Rusiya ərazisinin 55-60 faizi meşə ilə örtülüb. Rusiyanın ərazisini nəzərə alsanız, bunun çox böyük rəqəm olduğunun fərqinə varmaq olar. Bu isə o deməkdir ki, dünyada oksigenin əmələ gəlməsində Rusiya ərazisindəki meşələrin böyük rolu var.

Yaşıl kütlə olmasa, otla qidalanan canlılar məhv ola bilər. Otla qidalanan canlıların məhv olması ətlə qidalanan canlıların da məhvi deməkdir. Buna görə də dünyada əsas ekoloji məsələlərdən biri meşələrin qorunmasıdır.

Rusiyadakı meşələrin 10 fazinin məhv olması şübhəsiz ki, dünyanın ekosisteminə böyük təsir göstərir. Bu səbəbdən Rusiya BMT və onun nəzdində olan müəyyən təşkilatlarla birgə meşələrin qorunmasını təmin etməlidir”.

Ekoloq qeyd edib ki, dünyada əmələ gələn oksigenin 40 faizini quru ərazidə olan meşələr, ot bitkiləri istehsal edirsə, 60 faizini dənizin dibində olan bitkilər istehsal edir:

“Çirkli suların dənizlərə axıdılması dənizin dibindəki bitkilərin məhv olması ilə nəticələnir və insanlar bunu bərpa etmək imkanına malik deyil. Ona görə də quru ərazidəki meşələrin qorunması olduqca vacibdir”.

R.Sultanovun sözlərinə görə, Rusiyada baş verən bu yanğın normalda havaya buraxılan karbon qazının təxminən 20 faiz artması deməkdir:

“Atmosferə karbon qazının həddindən artıq buraxılması Günəşin Yerə göndərdiyi enerjinin qarşısını alır. Bu enerji Yerdən təkrar atmosferə qayıdanda parnik effekti yaradır, bu da çirklənməyə gətirib çıxarır. Rusiyadakı meşə yanğınlarının atmosferə təsiri nəticəsində atmosferdə havanın istiləşməsi buzlaqların əriməsinə də təsir göstərir.

Digər bir məsələ də odur ki, meşələrin yanması səhralaşmaya təsir göstərən əsas amillərdən biridir. Belə ki, ağaclar yerdə olan suyun buxarlanmasının qarşısını alır və planetimizi səhralaşmadan qoruyur”.

Qeyd edək ki, Rusiyada baş verən meşə yanğınlarının sahəsi 3 milyon hektarı keçib. Yanğının səbəb olduğu tüstü yalnız Rusiyanın yarısını deyil, həmçinin qonşu ölkələri də bürüyüb. Yanğının cəngindəki ərazinin Rusiyanın onda birini təşkil etdiyi, yanğının Moskvaya yaxınlaşdığı qeyd edilir.
Sosial şəbəkələrdə paylaş: