Milli Qəhrəman Zabit Quliyev ziyarət olunub Rusiya Azərbaycanlıları İttifaqı MeqaFon mobil operatoruna səhvini düzəltdirdi - FOTO İspaniyada Azərbaycan təhsili ilə bağlı görüş keçirilib Tanınmış jurnalist təltif edildi
Gənclər üçün dövlət qulluğu üzrə növbəti regional təlim Qazax rayonunda keçirildi Şair Qəşəm Nəcəfzadə “Xüsusi Xidmətlərə görə” Ordeni ilə təltif edildi “Səfirliklərlə diaspor təşkilatları arasında əməkdaşlıq və tandemdə fəaliyyət arzu olaraq qalmamalıdır” Gənclərin dövlət qulluğu üzrə növbəti regional təlimi Sabirabadda keçirilir
Vikipediyada “Cümhuriyyətin 9 şəkli” filmi haqqında məqalə yaradılıb “Qarabağ tarixi sənədli filmi (rus dilində)” layihəsi çərçivəsində sənədli filmin hazırlanmasını başa çatıb Bakıda Milli Qəhrəman Mübariz İbrahimovun xatirəsinə həsr olunmuş turnir keçirilib “Milli düşüncəniz yoxdursa, millətin yolundan çəkilin”



» » ABŞ-KXDR sammitinin keçirilməsində Seul Vaşinqtona yardım edəcək


ABŞ-KXDR sammitinin keçirilməsində Seul Vaşinqtona yardım edəcək

15-02-2019, 15:41
Oxunma sayı: 98
ABŞ-KXDR sammitinin keçirilməsində Seul Vaşinqtona yardım edəcəkKoreya Respublikasının xarici işlər naziri Kan Kyun-hva və ABŞ-ın dövlət katibi Mayk Pompeo ikinci Amerika-KXDR sammitinin uğurla keçirilməsinə nail olmaq üçün səylərin koordinasiyası barədə razılığa gəliblər.

TASS xəbər verir ki, razılaşma iki ölkənin xarici siyasət idarələri rəhbərlərinin Yaxın Şərq üzrə nazirlərin görüşü çərçivəsində fevralın 14-də Varşavada baş tutan danışıqlarında əldə olunub.

Danışıqların gedişində Mayk Pompeo ABŞ və KXDR liderlərinin ikinci görüşünün uğurlu alınması üçün Amerika tərəfinin maksimum səy göstərəcəyini bildirib. Kan Kyun-hva isə öz növbəsində bu məqsədlə istənilən yardımı əsirgəməməyi vəd edib. Tərəflər, həmçinin KXDR-in nüvəsizləşdirmə istiqamətində atdığı konkret addımlar və ABŞ-ın cavab tədbirləri barədə məsələlərə də toxunublar.

ABŞ və KXDR arasında ilk sammit iyulun 12-də Sinqapurda baş tutmuşdu. Donald Tramp və Kim Çen In sammitin nəticələrinə əsasən, birgə bəyanat imzalamışdılar. Pxenyan Koreya yarımadasının tam nüvəsizləşdirilməsinə hazır olduğunu bildirmiş, Birləşmiş Ştatlar isə buna cavab olaraq KXDR-ə təhlükəsizlik zəmanəti vəd etmişdi.

Xatırladaq ki, ikinci Amerika-KXDR sammiti fevralın 27-28-də Vyetnamın paytaxtı Hanoy şəhərində keçiriləcək.
Sosial şəbəkələrdə paylaş: