Tovuzda gənc qızlara "İnsan alverinin qurbanı olmayaq"adlı maarifləndirici tədbir keçirilib Şəmkirdə “Regionlarda gənclər arasında könüllülüyün təşviqi"layihəsi çərçivəsində təlim keçirilib Layihə çərçivəsində Bərdə, Ağdam və Mingəçevirdə Beynəlxalq Qızlar Gününü qeyd edilib Azərbaycan Vətəndaş Hərəkatının üzvləri Dərbənd şəhərinə səfər ediblər.
"Regionlarda gənclər arasında könüllülüyün təşviqi" layihəsi çərçivəsində növbəti təlim keçirildi Qazaxda gənc qızlara "İnsan alverinin qurbanı olmayaq"adlı maarifləndirici tədbir keçirilib “Qarabağ Azərbaycandır!” beynəlxalq ictimai dəstək kampaniyası başladıldı Məkdəbdaxili idarəetməyə dəstək adlı layihənin icrası davam edir
Region qadınlarının bələdiyyə seçkilərində fəal iştirakının təmin edilməsi üçün seminarlar davam edir Regionlarda gənc qızların peşə-ixtisas seçiminə yönəldilməsinə dəstək göstəriləcək Qazaxda ”Regionlarda gənclər arasında könüllülüyün təşviqi” layihəsi çərçivəsində tədbir keçirilib Layihə icrasına başladı



» » Moldovalı legioner: "Qarabağ"la "Şerif" eyni səviyyədədir"


Moldovalı legioner: "Qarabağ"la "Şerif" eyni səviyyədədir"

11-03-2018, 09:54
Oxunma sayı: 4998
Moldovalı legioner: "Qarabağ"la "Şerif" eyni səviyyədədir""Zirə"nin futbolçusu Aleksandr Dedov səfərdə "Qarabağ"a 0:2 hesabı ilə uduzduqları Azərbaycan Premyer Liqasının XIX tur matçından sonra jurnalistlərin suallarını cavablandırıb.

"Report" moldovalı yarımmüdafiəçinin müsahibəsini təqdim edir...

İlk yarıda vurduğunuz zərbə qolla nəticələnsəydi, hesab başqa cür ola bilərdi?

- Əlbəttə. Qol vursaydım, nəticə başqa cür ola bilərdi. Bəlkə də uşaqlar özlərinə daha çox inanardılar. Oyun da fərqli məcrada davam edərdi. Amma alınmadı.

Ötən tur nəyə görə "Keşlə"yə qarşı oynamadınız?

- Bunu baş məşqçidən soruşun. Mən cavab verə bilmərəm.

"Qarabağ"dan belə oyun gözləyirdin?

- Bəli. Əvvəllər də onların oyunlarına televiziya vasitəsilə baxmışdım. Bilirdim ki, topla çox oynayırlar. "Qarabağ" yaxşı komandadır və yaxşı oyunçulara malikdir. Belə kollektivlərə qarşı çıxış etmək xoşdur. Amma daha çox oynamaq lazımdır.

Səncə, "Şerif" güclüdür, yoxsa "Qarabağ"?

- Məncə, hər ikisi eyni səviyyəlidir.

Azərbaycan çempionatı sənin üçün Avropaya tramplin rolunu oynaya bilər?

- Niyə də yox?! Yaxşı oynayırsansa, istənilən çempionat daha güclü liqa üçün tramplin ola bilər.

"Zirə" qış fasiləsindən sonra qeyri-sabit çıxış edir. Komandada nə baş verir?

- Məncə, bu, psixoloji məqamla bağlıdır. Bir oyundan qalib ayrılsaq, hər şey yoluna qoyulacaq. Ola bilsin, bəxtsizlik var. Bu suala cavab verə bilmərəm. Amma fikrimcə, ortalıqda nəsə var ki, bizə maneçilik törədir.

Demək olarmı ki, "Qəbələ" ilə səfər oyunundakı 2 qırmızı vərəqə və baş məşqçiniz Ayxan Abbasovun cəzalanması "Zirə"ni sındırdı?

- Xeyr, niyə ki?! Düzdür, ağır idi. Çünki 2 oyunçu və baş məşqçimizi itirmişdik. Lakin bizim 25 futbolçumuz var. Hər biri meydana çıxaraq, öz işini 100 faiz görməlidir. Bu gün kimsə xəstələnə, sabah kimsə zədələnə bilər. Ona görə də meydana 11 hazırlıqlı futbolçu çıxır.

"Səbail"lə qarşılaşmada qalib gəlsəniz, "Zirə"nin ikinci nəfəsinin açılacağını düşünürsünüz?

- Biz bütün mümkün və mümkün olmayanı etməliyik ki, qalib gələk. Sonrasına baxarıq.

Belə uğursuz seriyadan sonra "Zirə"yə gəlməyinə təəssüflənmirsən?

- Nəyə görə təəssüflənməliyəm? Etdiyim hərəkətə görə heç vaxt təəssüflənmirəm. Məncə, hər şey yaxşı olacaq. Əsas məsələ bu dövrü arxada qoymaqdır. Bundan sonra hər şey yaxşı olacaq.

"Qara zolaq"da olduğunuzu düşünmürsən?

- Razıyam. Bu, bütün komandalarda olur. Hətta "Real Madrid" belə İspaniya çempionatında qalib gəlməkdə çətinlik çəkir, 90-cı dəqiqədə buraxdığı qolla uduzur. Futbolda hər şey olur. Belə məqamları geridə qoymaq, qalib gəlmək və irəli getmək lazımdır.

Hesabat turunun nəticələrindən sonra 4-cü pillədəki "Sumqayıt"la xal fərqiniz 1-ə enib. Daha bir oyunda xal itkisi 3-cü pilləni də əldən verməyinizlə nəticələnə bilər...

- Hələ irəlidə 9 tur var. Bütün mübarizə irəlidədir. Hətta 4 xallıq fərq olsaydı belə, qarşıdakı turların nəticələrini gözləmək lazım gələcəkdi.
Sosial şəbəkələrdə paylaş: