104 il yaşamış qəhrəman... Bu gün "24media.az" 1 yaşını qeyd edir Koronavirusda ikinci dalğa - Həkimlər əhaliyə xəbərdarlıq etdilər Siyəzəndə ehtiyacı olan ailələrə yardım edilir
RAİ Azərbaycan Prezidenti İlham Əliyevin çağırışına qoşuldu AZƏRBAYCAN DÖVLƏT HİMNİ, #EVDƏQAL "Türk Şurası çərçivəsində səhiyyə sahəsində əməkdaşlığı genişləndirmək çox vacibdir" FHN-in avtonəqliyyat vasitələri sahiblərinə müraciəti
Gələcək İntellektual İnkişafa Yardım İctimai Birliyi “Evdə qal, cəmiyyəti qoru” kampaniyasına qoşuldu Koronovirusla mübarizə məqsədilə Şura yanında İctimai Qərargah yaradıldı Karantin dövründə QHT-lər necə işləməlidir? - “Dövlət qurumları ilə əhali arasında vasitəçi olmalıyıq” - Mübariz Göyüşlü "Gənclərin Töhfəsi" İctimai Birliyi “Evdə qal, cəmiyyəti qoru” kampaniyasına qoşuldu



» » Zərif İrəvanda söz dedi, Bakıda isə imzaladı…


Zərif İrəvanda söz dedi, Bakıda isə imzaladı…

21-12-2017, 17:14
Oxunma sayı: 195
Zərif İrəvanda söz dedi, Bakıda isə imzaladı…

İranın Xarici İşlər naziri Məhəmməd Cavad Zərifin Bakıda Dağlıq Qarabağ münaqişəsinin Azərbaycanın ərazi bütövlüyü çərçivəsində həllini vurğulayan bəyanata imza atması onun İrəvanda dediklərinə zidd idi.

Bu sözləri Azərbaycan, Türkiyə və İran xarici işlər nazirlərinin 5-ci üçtərəfli görüşünü şərh edən politoloq Elxan Şahinoğlu deyib. Siyasi təhlilçi görüşün yekun bəyanatında üç bəndin daha çox diqqəti cəlb etdiyini vurğulayıb:

“Birincisi, nazirlər ərazi bütövlüyü və beynəlxalq səviyyədə tanınmış sərhədlərin pozulmamasına çağırış etdilər. Bəyanatda Dağlıq Qarabağ münaqişəsinin bu prinsiplər əsasında ən qısa müddətdə həllinin vacibliyi xüsusi qeyd edildi. İranın Xarici İşlər naziri Məhəmməd Cavad Zərif dekabrın 1-də Ermənistanda rəsmi səfərdə olarkən bu ölkəni bölgədə “sülhün və əmin-amanlığın çarçısı və təminatçısı” adlandırmışdı. Zərifin Bakıda sözügedən bəyanata imza atması onun İrəvanda dediklərinə zidd idi. Odur ki, imzalanmış bəyanat deyilmiş sözdən daha dəyərli olmalıdır.

İkincisi, nazirlər Rəşt-Astara dəmir yolunun tikintisinin ən qısa müddətdə tamamlanması üçün lazımı addımların atılmasının vacibliyini qeyd etdilər. Bu müddəa Azərbaycan üçün vacibdir. Çünki Azərbaycan qonşu ölkələrin regional layihələrə qarşı çıxmasını və bu layihələrə rəqib gözü ilə baxmasını istəmir. İranın Bakı-Tiflis-Qars dəmiryolunu dəstəkləməsi o deməkdir ki, Tehran Çindən çıxan malların Mərkəzi Asiya, Azərbaycan, Gürcüstan və Türkiyə üzərindən daşınmasının əleyhinə deyil, əksinə, bəlkə gələcəkdə öz yüklərini də bu xətt üzrə Avropaya daşıdı.

Üçüncüsü, rəsmi Bakı Qüds məsələsində Ankara və Tehranın mövqeyinə dəstək verir. Rəsmi Bakı İslam Əməkdaşlıq Təşkilatının son İstanbul toplantısının bəyannaməsini dəstəkləyir. Prezident İlham Əliyev bu toplantı ilə eyni gündə Bakıya beynəlxalq konfransa gələn ABŞ yəhudi lobbisinin liderləri ilə də görüşdü. Bu, rəsmi Bakının balansı qoruduğuna işarədir. Siyasət qarşılıqlı maraqlar üzərində qurulur. Azərbaycan Dağlıq Qarabağ məsələsində islam aləminin dəstəyinin artırılmasını arzulayır”.

Qeyd edək ki, ötən gün Bakıda Azərbaycan, Türkiyə və İranın xarici işlər nazirlərinin 5-ci üçtərəfli görüşü baş tutub.

Rəşid Ağayev
Sosial şəbəkələrdə paylaş: