Mədəni Nitq Layihəsi Uğurla davam. Bakıda “Microsoft” İnnovasiya Forumuna qeydiyyat başlayır Alimlər: "İstanbul su altında qala bilər" Daxili işlər nazirinin müavini: "Razılaşdırılmamış aksiyaların qarşısı qətiyyətlə alınacaq"
Uşaq zorakılığına yox deyək! Часть Баку оставят без воды Ucarda Səfərbərlk və Hərbi Xidmətə Çağırış üzrə Dövlət Xidmətinin yaradılmasının 6-cı il dönümü qeyd olunub. Bakıda güclü partlayış baş verdi – VİDEOLAR / FOTOLAR
Bakıda ərəbin başına lövhə düşdü - vəziyyəti ağırdır ABŞ Nümayəndələr Palatası “Rusiya işi” üzrə məxfi sənədin dərc edilməsinin lehinə səs verib Moskvada çoxmərtəbəli binada yanğın baş verib, ölənlər var Məcburi köçkünlərin yeni mənzillərə köçürüləcəyi tarix açıqlandı



» » Səlcuq Çətin: “Güclü Azərbaycan güclü Türkiyə deməkdir”


Səlcuq Çətin: “Güclü Azərbaycan güclü Türkiyə deməkdir”

12-10-2017, 01:26
Oxunma sayı: 182
Səlcuq Çətin: “Güclü Azərbaycan güclü Türkiyə deməkdir”
Ankara Pursaqlar bələdiyyəsinin başqanı Səlcuq Çətinlə diaspor üzrə araşdırmaçı-jurnalist Elnur Eltürklə Azərbaycan səfəri və bir sıra mövzular ətrafında söhbət ediblər.


- Səlcuq bəy, Azərbaycana xoş gəlmisiniz. Azərbaycanı necə gördünüz?


- Təşəkkür edirəm. İlk öncə qeyd edim ki, qardaş Azərbaycan haqqında danışmaqla sözlərim bitməz. Buralar bizim ikinci vətənimizdir. Səfərimdə Bakı və Sumqayıtda oldum. Abadlıq və inkişaf göz önündədir. Xəzər dənizi Bakıya xüsusi gözəllik verir. Havası çox yaxşıdır. İnsanlarla təmasda oldum. İnsanlar istiqanlı və qonaqpərvərdirlər. Azərbaycanı belə görmək bizi çox sevindirir. Bizim üçün güclü Azərbaycan güclü Türkiyə deməkdir. Bilirsiniz ki, iki qardaş ölkə ümumilli məsələlər daxil olmaqla beynəlxalq aləmdə də bir-birilərinə dəstək verirlər.

- Siz rəhbəri olduğunuz Pursaqlar bələdiyyəsində Qarabağ parkını açmısınız. Qarabağ mövzusu Türkiyə cəmiyyətinə nə qədər çox tanışdır?

- Türkiyə böyük dövlətdir. 80 milyon insanın bu barədə məlumatı tam olmaya bilər. Amma cəmiyyət Qarabağ məsələsini bilir və qardaş Azərbaycanın haqlı mövqeyini müdafiə edir. Cənab prezidentimiz Rəcəb Təyyub Ərdoğan açıq şəkildə bunu bəyan edib. Türkiyədə bir neçə Qarabağ parkları var. Bu il də bələdiyyə olaraq Qarabağ parkının açılışını etdik. Bakıdan da hörmətli qonaqlar gəlmişdi. Əgər biz bununla qardaş vətənimizə dəstək oluruqsa, bu, məni çox sevindirir. İnşallah, torpaqlar azad olunandan sonra hamımız birgə Qarabağı ziyarət edəcəyik. O günü səbrsizliklə gözləyirik.

- Türkiyə-Azərbaycan əlaqələri haqqında nə deyə bilərsiniz?

- Türkiyə-Azərbaycan əlaqələri strateji və qarşılıqlı səviyyədə davam etməkdədir. Ən çətin zamanımızda bir-birimizə dəstəyimizi göstəririk. Bundan gözəl heç nə ola bilməz. Qarabağ parkının açılışı çərçivəsində Türkiyə-Azərbaycan əlaqələrinin inkişafı ilə bağlı konfrans keçirdik. Konfransda yüzlərlə insan iştirak edirdi. Qarşıda planlarımız çoxdur. Onları reallaşdırmaq haqqında düşünürük.
Səlcuq Çətin: “Güclü Azərbaycan güclü Türkiyə deməkdir”
Sosial şəbəkələrdə paylaş: