“www.esgeremektub.com” vasitəsi ilə ilk məktublar əsgərlərə çatdırılıb Prezident İlham Əliyev Bakıda yeni salınan yolun açılışında iştirak edib Rusiya ABŞ-dakı səfirini dəyişir Bakının müharibə hazırlıqları
İlham Əliyev Rusiya baş nazirinin müavinini qəbul edib Bir qrup hərbçiyə polkovnik rütbəsi verildi Universitetlərdə təhsil haqqı artacaqmı ? Lerikdə bədbəxt hadisə
Moskvadan İrəvana gedən avtobus aşdı Bakıda arvad ərini döyüb xəstəxanalıq etdi Rusiyada qəzada Fransa vətəndaşları ölüb Maşında ölü tapılan sevgililərlə bağlı təfərrüat - Qadın evli imiş



» » Azərbaycanda Cərimələr kəskin şəkildə artırıldı


Azərbaycanda Cərimələr kəskin şəkildə artırıldı

1-06-2017, 08:10
Oxunma sayı: 99
Azərbaycanda Cərimələr kəskin şəkildə artırıldıMilli Məclis dövlət başçısının şərəf və ləyaqətini ləkələməyə görə cəzaları sərtləşdirdi

Mayın 31-də Milli Məclisin yaz sessiyasının sonuncu plenar iclası keçirildi. Spiker Oqtay Əsədov deputatların müraciətini nəzərə alaraq, növbədənkənar sessiyanın keçiriləcəyini bildirdi. Bundan sonra gündəlikdəki məsələlərin müzakirəsinə başlandı.

Sosial siyasət komitəsinin sədri Hadı Rəcəbli Əmək Məcəlləsində edilən dəyişikliklər barədə məlumat verdi. Bildirdi ki, layihədə işsizliyə görə vətəndaşı qabaqcadan məlumatlandırmaqla bağlı müddətlər nəzərdə tutulub. Həmçinin işdən çıxarılacaq adamlara müəyyən müavinətlər veriləcək.


Deputat Qüdrət Həsənquliyev qanunun təqdir olunan məqamına diqqət çəkdi: “Əvvəlki qanunda əmək müqaviləsi 5 ilədək bağlanırdı, indi isə işə götürənlə işə qəbul olan arasında müəyyənləşir”. Amma əlavə etdi ki, əmək stajındakı fərqə görə işçinin ixtisar olunması halında ayrı-seçkiliyə yol verilməsini, yaxud onlara fərqli məbləğdə kompensasiya verilməsini doğru saymır: “Əvvəlki variant daha ədalətliydi, nəinki indiki. Biz sadə adamların, işçilərin hüquqlarını qorumalıyıq, nəinki ayrı-ayrı şirkətlərin”.


H.Rəcəbli isə qanunun hazırlanmasında dünya təcrübəsindən istifadə olunduğunu söylədi: “Daha çox stajı olan adamın o müəssisədə daha çox xidməti var. Ona görə həmin şəxslərə işdən azad olunması üçün daha çox müddət verilir”.


Deputat Hacı Salayev də Q.Həsənquliyevin fikirlərini müdafiə etdi və ixtisara salınacaq bütün işçilər üçün 2 aylıq müddət qoyulmasını təklif etdi. Lakin sədr dünya təcrübəsinə istinad edib qanun layihəsini səsverməyə çıxartdı və dəyişikliklər qəbul edildi.


Bundan sonra “Azərbaycan Respublikasının 2016-cı il dövlət büdcəsinin icrası haqqında” qanun layihəsi müzakirə olundu. Hökumət üzvlərinin də iştirak etdiyi müzakirələrdə əvvəlcə İqtisadi siyasət, sənaye və sahibkarlıq komitəsinin sədri Ziyad Səmədzadə məruzə etdi.


Hesablama Palatasının sədri Vüqar Gülməmmədov çıxışı zamanı hesabat ilində 10,5 milyard məbləğində vəsaitlərin araşdırıldığını dedi. Onun sözlərinə görə, 2016-cı ildə gəlirlərin icra vəziyyəti 2008-ci ildən bəri ən yüksək göstərici olub: “Yalnız 6 mənbə üzrə kəsir müəyyən edilib, digər mənbələrdə artıqlaması ilə yerinə yetirilib. Hesabat ilində proqnozlara tam riayət olunub”.


Palata sədri dedi ki, xarici dövlət borcu ilə bağlı qəbul edilmiş limitlərə riayət olunub. Daxili dövlət borcu isə 72,3 faiz azalaraq 1,2 milyard manat təşkil edib.


Deputat Vahid Əhmədov 2016-cı ilin dünya iqtisadiyyatında problemli il olduğunu, problemlərin Azərbaycana da öz təsirini göstərdiyini bildirdi. Hesabat ilindən bəhs edən deputat büdcə xərclərinin hesabat ilində bərabər paylanmamasına diqqət çəkdi. Onun sözlərinə görə, Azərbaycanın valyuta ehtiyatları 2014-cü ildə 57 milyard manat idisə, 2016-cı ildə 37 milyard manat olub. V.Əhmədov real sektorun inkişafına daha çox diqqət yetirilməsini xahiş etdi. Bildirdi ki, nağdsız ödəniş sisteminə keçilməsi bu sektorda müəyyən problemlər yaradıb. Deputat hökumətə məsləhət gördü ki, Hesablama Palatasının hesabatını nəzərə alsın.


Deputat Zahid Oruc xatırlatdı ki, devalvasiyadan sonra Mərkəzi Bankın valyuta ehtiyatları 71faiz, yəni 9,8 milyard həcmində azalıb. Bu mənada deputat konkret addımlar atılmasını zəruri saydı. Z.Oruc dedi ki, Konstitusiya Məhkəməsi banklarla bağlı məsələyə baxdı, amma sonda bankların xeyrinə qərar verildi: “Bu gün on minlərlə insanın əleyhinə qərarlar verilir. İnsanlar hüquqi müstəvidə özlərinin müdafiəsini görmürlər. Ola bilməz ki, 100 min insanın hamısı ilə bağlı yüzdə-yüz bankların xeyrinə qərar çıxarılmış olsun”. Deputat hökuməti yoxsulluq səviyyəsi ilə bağlı məsələyə yenidən baxmağa çağırdı.


Spiker “sənin sözündən belə çıxdı ki, 100 min insan Konstitusiya Məhkəməsinə müraciət edib, amma şikayəti təmin olunmayıb. Belə çıxışlar etmək düzgün deyil. Mən belə fakt eşitməmişəm” - deyə, əlavə etdi.


Deputat Əli Məsimli 2016-cı ilin büdcəsinin bu səviyyədə idarə olunmasında Maliyyə Nazirliyi ilə yanaşı, Vergilər Nazirliyi, Gömrük Komitəsi və digər qurumların da mühüm rol oynadığını vurğuladı: “Azərbaycanda islahatları dərinləşdirməklə, məmur sahibkarlığının, inhisarın, korrupsiyanın aradan qaldırılması ilə xeyli dərəcədə inkişafa nail olmaq mümkündür”. Deputat dedi ki, şirkətlərin “ağına-bozuna baxmadan” xarici borc alması 17 milyardlıq dövlət büdcəsi olan ölkəyə əlavə problem yarada bilər.
Sosial şəbəkələrdə paylaş: