İsrail Türkiyəyə qarşı “erməni həmləsi” hazırlayır HƏMAS lideri saxlanıldı İtaliyada həkimlər tətil edir Ramin Əhmədov: “Ulu öndər Azərbaycan gəncliyinin, onun qurub yaratdığı partiyanın davamçılarının qəlbində əbədi yurd salıb“
Qafqaz Tufandag yay qış isdrahət mərkəzində möhtəşəm açılış “Fəxr edirəm ki,Heydər Əliyevin siyasi kursunun fəal təbliğatçısıyam” - Aqil Acalov Azərbaycan xalqının ümummilli lideri Heydər Əliyevin vəfatından 14 il keçir. Növbə mədəniyyəti
Arifov Arif Polad oğlu Şəhid Cumanov Bayram Sahib oğlu Mustafa Əhmədcan oğlu Coşqunov Elnur Məhiyəddin oğlu İbrahimov



» » “Region gənclərinin kiçik biznes quruculuğuna həvəsləndirilməsi”layihəsi uğurla icra edilib


“Region gənclərinin kiçik biznes quruculuğuna həvəsləndirilməsi”layihəsi uğurla icra edilib

24-11-2016, 17:38
Oxunma sayı: 227
“Region gənclərinin kiçik biznes quruculuğuna həvəsləndirilməsi”layihəsi uğurla icra edilib
Azərbaycan Respublikasının Prezidenti yanında Gənclər Fondunun maliyyə dəstəyi ilə “Bizim Nəsil” Gənclərin Regional İnkişaf Assosiasiyası ictimai birliyi tərəfindən “Region gənclərinin kiçik biznes quruculuğuna həvəsləndirilməsi” adlı layihə uğurla icra edilib.
Azadinform-un məlumatına görə, 17 noyabr 2016-cı il tarixində İsmayıllı rayonunda, 18 noyabr 2016-cı il tarixində Qəbələ rayonunda və 23 noyabr 2016-cı il tarixində Xaçmaz rayonunda həyata keçirilən layihə gənclər tərəfindən böyük maraqla qarşılanıb. Müşahidələr göstərir ki, regionlarda kiçik biznes fəaliyyəti ilə məşğul olmaq istəyən gənclərin biznes planların hazırlanması, müəssisələrin yaradılması, bu sahədə mövcud qanunvericilik, ilkin kapitalın cəlb edilməsi, hesabatlılığın təşkili, vergi institutları ilə iş və digər zəruri bilik və bacarıqları yetərli deyil. Bu da sahibkarlıq fəaliyyəti ilə məşğul olmaq istəyən gənclərin təşəbbüslərinin yarımçıq qalmasına və yaxud uğursuzluğuna səbəb olur. Layihənin məqsədi də məhz bu məlumatsızlığı aradan qaldırmaq, region gənclərinin sahibkarlıq fəaliyyətinə başlamaq üçün zəruri olan bilik və bacarıqlara, müasir biznes idarəçiliyi vərdişlərinə yiyələnməsinə kömək etməklə onların kiçik biznes quruculuğuna həvəsləndirilməsi və kənd təsərrüfatının inkişafında rolunun artırılmasından ibarətdir. Bu haqda “Bizim Nəsil” Gənclərin Regional İnkişaf Assosiasiyası ictimai birliyinin əməkdaşı Nail Şükürov qeyd edib.
Layihə çərçivəsində iştirakçı gənclərə “biznesə necə başlamalı”, biznes idarəçiliyi mövzusunda təlimlər keçirilmiş, onlara "biznes plan, onun hazırlanma qaydası”, innovativ biznes ideyalar, Startap layihələr, Biznes inkubatorlar və onların təklif etdiyi xidmətlər haqqında məlumatlar verilmişdir. Gənclər həmçinin biznes üçün elektron xidmətlər təklif edən "Elektron Hökumət" portalı və digər maarifləndirici biznes portallarla, faydalı internet resursları ilə tanış edilib.
Təlimlər Azərbaycan Respublikasının Əmək və Əhalinin Sosial Müdafiəsi Nazirliyinin özünə məşğulluq dövlət proqramının biznes üzrə təlimçisi, biznes konsultant Orxan Şahbazov tərəfindən aparılıb.
Təlimlər aşağıdakı mövzuları əhatə etmişdir:
• Biznesə başlamaq üçün addımlar;
• İdeyaların generasiyası – biznes ideyanın tapılması;
• İnnovativ biznes ideyalar, Startap layihələr;
• Biznes plan, onun hazırlanma qaydası;
• Müəssisələrin yaradılması və qeydiyyatı proseduru;
• İlkin kapitalın cəlb edilməsi yolları;
• Maliyyənin planlaşdırılması və idarə edilməsi.
Aparılan interaktiv müzakirələrdə gənclər aktiv iştirak ediblər. Hər bir regionda 1 gün ərzində davam edən layihə fəaliyyətinə adı çəkilən bütün regionlar üzrə birbaşa və dolayı yol ilə 2 000 gənc cəlb olunub.
Layihə iştirakçılarına biznesə başlamaq üçün faydalı məlumatları, sahibkarlıq fəaliyyətinin hüquqi formaları haqqında məlumatları özündə əks etdirən bukletlər, yazılı köynəklər və digər nəşr – poliqrafiya məhsulları paylanıb.
Layihənin sonunda iştirakçılara sertifikatlar təqdim olunub.
Sosial şəbəkələrdə paylaş: