Qayınatası gəlininə təcavüz etdi, onu başqa kişilərə satdı - FOTO Obama ailəsi ilə 5,3 milyonluq evə köçür - FOTO Baş məşqçi Kamran Ağayevin cəzasından danışdı Azərbaycanda qəndin içindən şurup çıxdı - FOTO
"Dedilər ki, 99% bu ölüb" - 6 güllə yarası alan adam - VİDEO Rus deputatın 15 yaşlı qızı intim reklama çəkildi - Pula görə - FOTO SON DƏQİQƏ : İŞİD Palmiranı MƏHV ETDİ Bakıda qumarxana aşkarlanıb, saxlanılanlar var
Həftəsonuna olan hava proqnozu Ronaldunu "Real"dan göndərirlər - Çinə "10 yaşıma qədər atamın şəhid olduğunu bilmədim" - VİDEO Amerikadakı soydaşımızın 20 Yanvar faciəsi barədə filmi - VİDEO



» » QƏRAR VERİLDİ - Avtomobillərin dövlət nömrə nişanları dəyişdirilir


QƏRAR VERİLDİ - Avtomobillərin dövlət nömrə nişanları dəyişdirilir

24-09-2016, 09:57
Oxunma sayı: 1470
QƏRAR VERİLDİ - Avtomobillərin dövlət nömrə nişanları dəyişdirilir

Naxçıvan Muxtar Respublikası ərazisində mövcud olan nəqliyyat vasitələrinin dövlət qeydiyyat nişanlarının dəyişdirilməsinə başlanılıb.
Respublika.info avtosfer.az-a istinadən xəbər verir ki, bununla bağlı Naxçıvan Muxtar Respublikası Daxili İşlər Nazirliyinin Dövlət Yol Polisi İdarəsinin rəisi, polis polkovnik-leytenantı Aydın Ağayev məlumat verib. O bildirib ki, Azərbaycan Respublikası Nazirlər Kabinetinin müvafiq qərarına uyğun olaraq respublikanın bütün rayonlarının fərqləndirici dövlət nömrə nişanları var. Muxtar respublikada da hər rayonun dövlət nömrə nişanları olub: "Məsələn, Babək rayonu 67 seriyası ilə, Şərur rayonu 68 seriyası ilə və s. başlayan dövlət qeydiyyat nişanları ilə təmin olunmuşdular. Sonradan müvafiq qərara əsasən, 85 seriyası bütün Naxçıvan Muxtar Respublikasının vahid dövlət qeydiyyat nişanı kimi qəbul olunub.
Bildiyimiz kimi, muxtar respublikada yaşayan vətəndaşların həyat səviyyəsinin yüksəlməsi buraya gətirilən avtomobillərin sayının çoxalmasına gətirib çıxarıb. Son illərdə muxtar respublikaya kütləvi sayda avtomobil gətirilməsi buna bariz nümunədir. Beləliklə, muxtar respublikada avtomobillərin sayı artdığı üçün dövlət nömrə nişanlarına tələbat da yaranıb. Bu təlabatı ödəmək üçün muxtar respublikanın 7 rayonuna və Naxçıvan şəhərinə ayrıca seriya nömrələri verilməsi qərara alınıb. Qərara alınıb ki, muxtar respublikanın rayonlarına aşağıdakı seriya nömrələri verilsin:
Babək - 67
Şərur - 68
Ordubad - 69
Şahbuz - 71
Culfa - 72
Sədərək - 73
Kəngərli - 74
Naxçıvan şəhəri - 75
Aydın Ağayev qeyd etdi ki, muxtar respublika rəhbərliyinin tapşırığına əsasən, nəqliyyat vasitələrinin dövlət nömrə nişanlarının dəyişdirilməsi üçün heç bir dövlət rüsumu, ödəniş tələb olunmur və bu prosses tədricən həyata keçiriləcək.

Qeyd edək ki, muxtar respublikada 2014-cü ildə 1190, 2015-ci ildə isə 896 şəxsi avtomobil alınaraq Naxçıvan Muxtar Respublikası Daxili İşlər Nazirliyinin Dövlət Yol Polisi İdarəsi tərəfindən ilkin qeydiyyatdan keçirilib. Avtomobillərin əksəriyyəti dünyanın öndə gedən markalarına məxsus olub. Naxçıvanda günün tələblərinə cavab verməyən sovet istehsalı olan avtomobillərin azalması, bahalı avtomobillərin sayının isə ilbəil artması müşahidə edilir. Əhalinin bahalı avtomobillərə maraq göstərməsinin səbəblərindən biri gəlirlərin artmasıdırsa, digəri isə muxtar respublikada yol infrastrukturunun ən yüksək səviyyədə qurulmasıdır.
2014-ci ildə 5157, 2015-ci ildə isə 4283 avtomobil təkrar qeydiyyatdan keçib. 2014-cü ildə 3053, 2015-ci ildə isə 2407 avtomobilə nömrə nişanı verilib. Beləliklə, statistikadan da aydın olur ki, muxtar respublikada insanların həyat səviyyəsinin yüksəlməsi nəticəsində avtomobillərin sayı artıb. Buna görə də hər rayonun özünəməxsus seriya nömrəsinin olması məqsədəmüvafiqdir.
Naxçıvanda avtomobi sayının artmasına Naxçıvan Avtomobil Zavodunun da təsiri böyükdür. 15 modeldə avtomobil istahsal edən Naxçıvan Avtomobil Zavodu əsasən yerli bazar üçün çalışır. Zavodun fəaliyyəti ərzində 5 min avtomobil istehsal edilib və 4800 avtomobil satılıbdır.
Naxçıvan Muxtar Respublikası Daxili İşlər Nazirliyinin Dövlət Yol Polisi İdarəsi əhalini bir daha xəbərdar edir ki, nömrələrin dəyişdirilməsi ödənişsiz həyata keçirilir və dəyişdirilmə prosesi üçün müddət müəyyən olunmayıb.
Sosial şəbəkələrdə paylaş: