Xərçəngin qarşısını alan MÖHTƏŞƏM RESEPT Bəzi tələbələr təhsil haqqından azad olunacaqlar - YENİLİK Bakıda süd alarkən diqqətli olun - VİDEO Dizellə işləyən avtomobillərin sayı sürətlə artır - SƏBƏB
İnfarkt və insultun qarşısını alan qidalar Rus gözəl Neymarın fanatıdır - FOTO Azərbaycanın ilk milyarderi Yelmar Məmmədov Azərbaycanda kreditlər ucuzlaşdı
Körpə qız qaynar süd qazanına düşdü Tolik: "Məni qaranlığa aparıb soyundurdu" - VİDEO Məktəb müəllimi əvvəllər fahişəlik edibmiş, sirri açıldı, işdən qovuldu - FOTO Xaçmazda iş adamının ciblərindən 88 min dollar çıxardılar



» » ZİYA MƏMMƏDOVUN MALİKANƏSİNDƏ FÖVQƏLADƏ TOPLANTI - Nazir himayə etdiyi iş adamlarını evinə çağırdı


ZİYA MƏMMƏDOVUN MALİKANƏSİNDƏ FÖVQƏLADƏ TOPLANTI - Nazir himayə etdiyi iş adamlarını evinə çağırdı

2-10-2015, 18:54
Oxunma sayı: 1124
ZİYA MƏMMƏDOVUN MALİKANƏSİNDƏ FÖVQƏLADƏ TOPLANTI - Nazir himayə etdiyi iş adamlarını evinə çağırdıNəqliyyat naziri Ziya Məmmədovun ətrafında baş verənlər KİV-in diqqətindədir. Onun vəzifədən azad edildiyi və ölkədə olmadığı barədə xəbərlər yayılır. Z. Məmmədovun baş verənlər barədə müəmmalı şəkildə susması onun himayəsi altında olan iş adamlarının narahatlığına səbəb olub. Onlar artıq nazirin “kitabının bağlandığını” hiss edərək Z. Məmmədovun ətrafını tərk etməyə başlayıblar. Nazirin hazırda harada olması barədə aydın informasiyanın yoxluğu vəziyyəti daha da qəlizləşdirib.

Z. Məmmədovun ölkəni tərk etdiyi, hətta oğlu Anar Məmmədovun həbs olunması barədə intensiv olaraq məlumatların yayılması nazirin himayəsində olan biznes elitasını qorxuya salıb. Bütün bunlar isə nəqliyyat nazirini narahat etməyə başlayıb.

99999Strateq.az-a daxil olan məlumata görə, məzuniyyətdə olan nəqliyyat naziri Ziya Məmmədov ölkəni tərk etməyib. O, dincəlmək üçün doğma rayonunu seçib. Hazırda doğluduğu Ucar rayonunun Qazıqumlax kəndindəki malikanəsində olan Z. Məmmədov adı baş verənləri müzakirə etmək üçün bu gün kənddəki malikanəsində özünə yaxın iş adamlarının və yaxınlarının iştirakı ilə toplantı keçirib. Toplantının təfərrüatları bəlli olmasa da nazirin bu görüşü keçirməklə özünə yaxın olan iş adamlarına “heç yerə getmirəm, yerimdəyəm” mesajını verməsi anlamına gəlir.

Qeyd edək ki, son günlər nəqliyyat naziri Ziya Məmmədovun işdən çıxarılacağı və yaxud, onun öz ərizəsilə işdən azad olunmaq istədiyilə bağlı xəbərlər yayılıb. Bundan başqa, yazılanlara görə, Ziya Məmmədov məzuniyyətdən işə qayıtmayacaq.

Son günlər ərzində nəqliyyat nazirinin adı ətrafında maraqlı hadisələr cərəyan edir. Ölkədə “nəqliyyat kralı” sayılan Ziya Məmmədov bir-birinin ardınca səlahiyyətlərini itirib. Taksilərə lisenziya verilməsi Nazirlikdən alınaraq ASAN Xidmətə verilib, onun himayəsnidə olan Bakı Avtovağzalına yeni rəis təyin edilib. Paytaxtda sərnişin daşınmasının ondan alınaraq Bakı şəhər icra hakimiyyətinə verilib. Sonuncu dəfə isə Nəqliyyat Nazirliyinin ən nəhəng və gəlirli müəssisəsi olan “Azərbaycan Dəmir Yolları” QSC prezident fərmanı ilə nazirlikdən ayrılaraq müstəqil fəaliyyətə keçib.

Bundan başqa, məlum olub ki, “Bakı Sərnişindaşınma” MMC də Nəqliyyat Nazirliyinin nəzarətindən alınacaq. Belə ki, yaxın vaxtlarda sərnişindaşınma xidməti Nəqliyyat Nazirliyinin balansından çıxarılacaq və ayrıca qurum kimi formalaşdırılacaq. Həmin quruma isə Bakı şəhər İcra Hakimiyyəti nəzarət edəcək.

Buna baxmayaraq Nəqliyyat Nazirliyi Z. Məmmədovun işdən çıxarılması barədə xəbərləri qəzəbli şəkildə təkzib edib. “Son günlər kütləvi informasiya vasitələrində Nəqliyyat Nazirliyilə bağlı cəfəng xəbərlər gedir. Yayılan xəbərlərin heç biri həqiqətə uyğun deyil”, – deyə Nəqliyyat Nazirliyinin mətbuat xidmətinin rəhbəri Namiq Həsənov KİV -ə açıqlamasında bildirib. Qurum rəsmisinin sözlərinə görə, hazırda nazir məzuniyyətdədir və işə ayın 20-də çıxacaq.“Nazirin işdən çıxması ilə bağlı yayılan bütün sözlər şayiədir”– deyə Namiq Həsənov bildirib.

Bütün hallarda Ziya Məmmədovun səlahiyyətlərinin xeyli azaldıldığı göz önündədir. Odur ki, hazırda vəziyyətlə bağlı aydın izahat almaq üçün çalışan nazirin ətrafındakı böyük biznes dairəsinin dağılmasından da təşvişə düşdüyü aydın olur.
Sosial şəbəkələrdə paylaş: