Azərbaycandan Trampa özəl hədiyyə Ağ Evə göndərildi - VİDEO Xərçənglə mübarizədə NÖVBƏTİ İNQİLAB Dinozavrlar qayıdır? Sərdarın model xanımının sirri açıldı
"Bozbaş"ın "ağsaqqal"ı evlənir Hansı qan qrupu XƏRÇƏNGƏ TUTULMUR? Rusiyanın energetika nazirindən neftin qiymətinə dair PROQNOZ Türkiyənin məşhur aparıcısı Azərbaycana köçür - FOTO
Azərbaycanlı milyarderin oğlu model sevgilisi ilə - FOTO Donald Trampdan etirazlara MÜNASİBƏT Müğənni oğlunun dayəsinə hər ay 15 min pul verəcək Milyarderə edam ediləcəyini bildirdilər



» » "700 manata başa gələn evi 2500 manata satırlar" SÜNİ BAHALAŞMA


"700 manata başa gələn evi 2500 manata satırlar" SÜNİ BAHALAŞMA

21-07-2016, 19:27
Oxunma sayı: 180
"700 manata başa gələn evi 2500 manata satırlar" SÜNİ BAHALAŞMA

Bakıda mənzillərin satışının kəskin azaldığı bir vaxtda mənzil bazarında qiymətlər süni artırılır və bunun əsas səbəbkarı yeni tikililərin inşası ilə məşğul olan tikinti şirkətləridir.

Respublika.info xəbər verir ki,bu barədə Əmlak Ekspert Mərkəzinin rəhbəri Ramil Osmanlı fins.az-ın Facebook səhifəsindəki canlı yayımda bildirib.

Mənzil satışları 10 dəfəyə yaxın azalıb

R.Osmanlı bildirib ki, hazırda daşınmaz əmlak bazarda vəziyyət kritik şəkil alıb. Onun sözlərinə görə, bazarda bütün göstəricilərin sürətlə azalması müşahidə edilir. O cümlədən satılan mənzillərin sayı kəskin azalıb: "Azalma bütün seqmentlərdə davam edir. Əgər 2011-14-cü illərdə 1 ayda 10 minə yaxın mənzil satılırdısa, bu gün bu rəqəm 1300-1400 ətrafında dəyişir. Yeni tikililərdə vəziyyət daha açıqnacaqlıdır. Ay ərzində satılan mənzillərin sayı 1 il əvvəllə müqayisədə 10 dəfəyədək azalıb".
Eləcə də bax: Ticarət mərkəzləri kommersiya obyektlərini "udur"

Mənzillər ucuzlaşmır

Amma satışların kəskin azalması mənzillərin ucuzlaşması ilə nəticələnməyib. Ekspertin sözlərinə görə, qiymətlərin nəinki azalması baş vermir, hətta artım da var. Bunun səbəbi yeni tikililərdə qiymətlərin süni artırılmasıdır. Yeni tikililərdə qiymətlər köhnələri də üstələyir. Baxmayaraq ki, yeni mənzillər təmirsiz satılır: "Məsələn, Nərimanov metrosu ətrafında "Stalin" və ya "Leninqrad" layihəli binalarda 3 otaqlı 75-80 kv metrlik tam təmirli evlərin qiyməti 130-140 min manat arasında dəyişir. Bu, hər kv metr üçün 1800-2000 manat deməkdir. Həmin ərazidə metro ətrafında yeni tikililərdə təmirsiz mənzillərin hər kv metri 1800-2000 manata, bəzən 2400 manata satılır".

Qiymətlər süni artırılır

R.Osmanlı bildirir ki, yeni tikililərdə qiymətlər süni surətdə kəskin artırılır: "Tikinti şirkətlərinin bəzilərində satış qiyməti maya dəyərini hətta 3 dəfəyə qədər üstələyir. 1 kvadrat metr sahənin maya dəyəri 500-600 manata başa gəlir. Şirkətin mənfəətini də nəzərə alsaq, satış qiyməti qiymət i təxminən 700 manat olmalıdı. Ancaq tikinti şirkəti mənzilin hər kvadrat metrini 2500 manata satır.
Ekspertin fikrincə, tikinti şirkətlərinin süni qiymət artımına əlavə vergi yüklənmələri, korrupsiya elementləri səbəb olur: "Digər tərəfdən, şirkətlər başladıqları tikintini başa çatdırmaq üçün bir neçə mənbədən maliyyə cəlb etməlidir. Bütün bu amillər qiymətlərin artmasına səbəb olur".

Ən çox maraq yeni tikililərədir

R.Osmanlının sözlərinə görə, hazırda alıcıların böyük hissəsi yeni tikililərə maraq göstərir: "2005-2006-ci illərdə əhalinin böyük hissəsi köhnə tikililərə maraq göstərirdi. "İndi isə yeni tikililərə maraq artıb. Alıcıların 70 faizi yeni tikililərdən ev almaq istəyir". Tikinti şirkətləri isə bu şəraitdən yararlanaraq qiymətləri kəskin artırırlar.

Metrostansiyalar da qiymətləri artırır

Bakıda əmlak bazarına və mənzillərin qiymətinə təsir edən amillərdən biri də yeni metro stansiyalarının işə düşməsidir. Ekspert bildirib ki, yeni stansiyaların işə düşməsi ilə qiymət lər 15-20 faiz bahalaşır: "Əvvəl 50 min manat satılan daşınmaz əmlak, metro açılandan sonra ən azı 60 min manata satılır" .
//fins.az
Sosial şəbəkələrdə paylaş: