Şura qrant müsabiqələrinin nəticələrini elan etdi Güney Azərbaycan Milli Azadlıq Cəbhəsi (GAMAC) Azərbaycan dövləti Və silahlı qüvvələrinə dəstək bəyanatı yayıb Azərbaycan və Türkiyə QHT-lərindən Ermənistana tələb “Məhdudiyyət istedad üçün əngəl deyil” adlı onlayn müzakirə təşkil edilib
Azay Quliyev 5 ölkənin ATƏT PA-dakı nümayəndə heyətinə məktub göndərib Siyəzən rayonunda abadlıq-quruculuq işləri davam edir-FOTO Vətəndaş Hərəkatı beynəlxalq konfransda erməni təcavüzünü və COVİD-19 pandemiyasını müzakirə etdi 846 QHT ötən gecə paytaxtdakı yürüşdə baş verənlərlə bağlı bəyanat yaydı
Politoloq Əli Quliyev: “Bu vətən uğrunda ölməyi də, öldürməyi də bacaran xalq heç vaxt yenilməz”. İctimai nəqliyyatda xidmət keyfiyyətinin ölçüləməsinə dair sorğu keçiriləcək “Pandemiyaya qarşı mübarizədə QHT və medianın intensiv əməkdaşlığı faydalı və zəruridir” – MÜSAHİBƏ! Şura “Pandemiya ilə mübarizədə Şuranın maliyyələşdirdiyi layihələrin rolu, ictimai qınaq və ictimai nəzarətin gücləndirilməsi” mövzusunda onlayn konfrans keçirib



» » Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO


Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO

10-07-2016, 18:49
Oxunma sayı: 5332
Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO

Azərbaycan ordusunun şəhid olan hərbçisi, Tağıyev Rahim Qara oğlu bu gün Mingəçevir şəhərində dəfn edilib.

Respublika.info xəbər verir ki, şəhid hərbçi R. Tağıyevin nəşi Mingəçevir şəhərindəki Şəhidlər Xiyabanında torpağa tapşırılıb, şəhidin ruhuna dualar oxunub.

Dəfn mərasimində Müdafiə Nazirliyinin, Səfərbərlik və Hərbi Xidmətə Çağırış üzrə Dövlət Xidmətinin nümayəndələri, Mingəçevir şəhər İcra Hakimiyyətinin, hüquq-mühafizə orqanlarının, idarə və təşkilatların kollektivi ilə yanaşı şəhidin qulluq etdiyi hərbi hissənin əsgər və zabitləri də iştirak ediblər. Şəhidi son mənzilə yola salmaq üçün minlərlə mingəçevirli küçələrə axışıb. Şəhid Rahim Tağıyevin cənazəsi yaşadığı evdən Şəhidlər Xiyabanınadək əllərində Azərbaycanın üçrəngli bayrağı olan minlərlə insanın müşayiəti ilə aparılıb. Dəfn mərasimində "Şəhidlər ölməz, Vətən bölünməz" şüarı səsləndirilib, şəhid hərbçi yaylım atəşləri altında son mənzilə yola salınıb. Şəhidin tabutuna bükülmüş Azərbaycanın üçrəngli bayrağı atasına təqdim edilib.

Mərasimdə çıxış edənlər qüdrətli Azərbaycan ordusunun düşmənə hər an tutarlı cavab verməyə hazır olduğunu, şəhidlərimizin qanının yerdə qalmayacağını, Prezident, Ali Baş Komandan İlham Əliyevin ətrafında sıx birləşərək onun əmrini gözlədiklərini bildiriblər.

Qeyd edək ki, R. Tağıyev 1998-ci ildə Şəki şəhərindən hərbi xidmətə çağırılıb. Həmin il aprelin 12-dən hərbi xidmətə başlayıb. 1999-cu il yanvarın 15-dən müdavim kimi, sonra isə tank komandiri vəzifəsində xidmət edib. R. Tağıyev aprelin 2-də cəbhənin Tərtər-Ağdərə istiqamətində Azərbaycan-Ermənistan qoşunlarının təmas xəttində döyüş tapşırığını yerinə yetirən zaman düşmən tərəfindən açılan atəş nəticəsində ağır yaralanıb, Bakıdakı Hərbi Hospitala yerləşdirilib. Həkimlər R. Tağıyevin sağ qalsa belə, baş nahiyəsindən ağır yaralandığı üçün komadan ayılmayacağını bildirmişdilər. Tankçı aprel döyüşlərindən bu günədək müxtəlif vaxtlarda 3 dəfə cərrahiyyə əməliyyatı edilib, 3 ay 7 gün koma vəziyyətində qalıb. Yaxınlarının sözlərinə görə bir neçə gün idi ki, Rahimin səhhətində yaxşılığa doğru bir az irəliləyiş olub, lakin bu gün səhər saatlarında dünyasını dəyişib. Əslən Şəki rayonundan olan, lakin ailəsi ilə birlikdə Mingəçevirdə yaşayan müddətdən artıq xidmət edən R. Tağıyevin nəşi ailəsinin istəyi ilə Mingəçevir şəhərindəki Şəhidlər Xiyabanında torpağa tapşırılıb.

Üç uşaq atası olan şəhid hərbçi ailədə 5 qardaş və 3 bacı olub.
//APA

Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO
Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO
Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO
Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO
Aprel döyüşlərində ağır yaralanmış və bu gün vəfat etmiş tankçı Rahim Tağıyev dəfn edilib - FOTO
Sosial şəbəkələrdə paylaş: