Azərbaycan xalqının ümummilli lideri Heydər Əliyevin vəfatından 14 il keçir. Növbə mədəniyyəti Arifov Arif Polad oğlu Şəhid Cumanov Bayram Sahib oğlu
Mustafa Əhmədcan oğlu Coşqunov Elnur Məhiyəddin oğlu İbrahimov VƏTƏN-ƏBƏDİYYƏT BEŞİYİMİZDİR... Şehit Baş Leytenant Cabbar Faiqov
QƏHRƏMAN TÜRK OĞLU Fərqanədən Xocalıya… “ANA BİRAZ SƏBR ET, 4 AYIM QALDI GƏLİRƏM” Azərbaycan Alpaqut Federasiyası qanvermə aksiyası keçirdi - FOTO



» » Bölgələrdə gənclər ətraf mühitin qorunması işinə cəlb ediləcək


Bölgələrdə gənclər ətraf mühitin qorunması işinə cəlb ediləcək

6-05-2016, 09:18
Oxunma sayı: 214
Bölgələrdə gənclər ətraf mühitin qorunması işinə cəlb ediləcək
Mingəçevir və Yevlaxda şagird və tələbələr üçün ekologiyadan təlimlər keçiriləcək

Azərbaycan Respublikası Prezidenti yanında Qeyri- Hökumət Təşkilatlarına Dövlət Dəstəyi Şurasının dəstəyi və “Gənclərin Elmi İnkişafına Dəstək” İctimai Birliyinin təşkilati təşəbbüsü ilə Mingəçevir və Yevlax şəhərlərində “Sağlamlıq və ətraf mühit” lahiyəsinin icrasına start verilib. İcrası 3 aylıq nəzərdə tutulan layihənin əsas məqsədi – Mingəçevir və Yevlax şəhərlərində ətraf mühitdə ekoloji tarazlığı təmin edən fəaliyyətlərin dəstəklənməsi, ekoloji problemlərin aradan qaldırılması və tələbələri ətraf mühitlə əlaqədar maarifləndirməkdən ibarətdir.

Bu barədə məlumat verən Birliyin sədri Günel Balakişiyevanın sözlərinə görə layihə çərçivəsində gənclər ətraf mühitin qorunmasına və ekologiyanın bərpası işinə cəlb ediləcəkdir.

“ Layihə müddətində şagird və tələbələr arasında ətraf mühitin qorunması üzrə qanunvericilik bilikləri təkmilləşdiriləcək. Təhlükəli tullantıların tələb olunan səviyyədə utilizə olunmasının təmin edilməsi istiqamətlərdə maarifləndirmə işləri aparılacaq, ekoloji problemlərin müzakirəsinə həsr olunmuş 4 günlük təlim və seminarlar təşkil olunacaq. Təlim və seminarlarda layihə çərçivəsində çap olunan buklet, flayer və təqvimlər iştirakçılara paylanılacaq. Layihənin media və sosial media vasitəsi ilə geniş piar olunmasına çalışacağıq ki, daha çox insan bundan bəhrələnə bilsin”.

Onu da qeyd edək ki, artıq layihənin hazırlıq mərhələsinə uyğun olaraq Mingəçevir və Yevlax şəhərlərində həyata keçiriləcək işlər üçün lazımi çap materialları nəşr olunub və tədbirlərin keçirilməsi üçün yer və vaxt ayrılıb.
Sosial şəbəkələrdə paylaş: